لە رووبەڕووبوونەوەیەکدا لەگەڵ هێزەکانی ئاسایشی هەولێر بازرگانێکی ماددەی هۆشبەر کوژرا

پۆڵەتیک پرێس

لە تێلیگرام یەکەم کەسیت هەواڵەکانت پێدەگات جۆینبە https://t.me/Politicpress

ئاسایشی هەولێر رایگەیاند، لە رووبەڕووبوونەوەی دوو بازرگانی مادەی هۆشبەردا لە عەنکاوە، کارمەندێکیان “بە سەختی” بریندار بووە و یەکێک لە بازرگانەکان کوژراوە و ئەوی دیکەیان دەستگیرکراوە.

دەقی راگەیەندراوی ئاسایشی هەولێر:

کاتژمێر 6:15ی ئێوارەی 23-4-2024، تیمێکی سەر بە بەڕێوەبەرایەتیەکەمان بۆ جێبەجێکردنی فەرمانی دادوەر بەدواداچوونی دوو بازرگانی ماددە هۆشبەرەکانی کرد.

لە دەوروبەری شارۆچکەی عەنکاوە، داواکراوەکان رووی چەکەکانیان ئاراستەی هێزەکانی ئاسایش کرد و کارمەندێکی بەڕێوەبەرایەتیەکەمان بەسەختی بریندار بوو.

لە ئەنجامی وەڵامدانەوەی هێزەکانمان، یەکێک لە داواکراوەکان کوژرا و ئەوی تریان  دەستگیر کرا. لێکۆڵینەوە بەردەوامە.