پۆڵەتیک پرێس
لە تێلیگرام یەکەم کەسیت هەواڵەکانت پێدەگات جۆینبە https://t.me/Politicpress
بەڕێوەبەرایەتی گشتی کارەبای سلێمانی ڕایگەیاند، دوو شەقام لە سلێمانی ڕووناک دەکرێنەوە.
ئەمڕۆ شەممە21ی نیسان، کارەبای سلێمانی بڵاویکردەوە،” لهچوارچێوهی پرۆژهكانی بەڕێوەبەرایەتی گشتی کارەبای سلێمانی و لهسهر بودجهی داهاتی 8%ی كارهبا و بهبڕی زیاتر له 435 ملیۆن دینار پرۆژهیهكی كارهبا له سلێمانی جێبهجێدهكرێت”.
ئاماژەی بەوەکرد، پرۆژهكه بریتییه له رووناككردنهوهی دوو شهقامی لاوەكی و ژێر پردی ماجدی مۆڵ لهسنووری بهڕێوهبهرایهتی دابهشكردنی كارهبای سلێمانی/ رۆژئاوا، هەروەها رووناككردنهوهی شهقامی شێخ سهلام لهنهخۆشخانهی شۆڕش بۆ نهخۆشخانهی هیوا لهسنووری بهڕێوهبهرایهتی دابهشكردنی كارهبای سلێمانی/ رۆژههڵات.
ڕوونیکردەوە، بودجهی پڕۆژهكه بریتییه له (435.141.670) تهنها چوارسهد و سی و پێنج ملیۆن و سهد و چل و یهك ههزار و شهش سهد و حهفتا دینار و بڕیاره لهماوهی 210 رۆژدا كارهكانی تهواوبكرێت.