كەشناسی پێشبینییەکانی کەشی ئەمڕۆو سبەی بڵاوکردەوە

پۆڵەتیک پرێس

لە تێلیگرام یەکەم کەسیت هەواڵەکانت پێدەگات جۆینبە https://t.me/Politicpress

كەشناسی هەرێم لە ڕێگەیەندراوێكدا پێشبینییەكانی كەشی بۆ ئەمڕۆو سبەینێ‌ بڵاو كردەوەو بەپێی پێشبینییەكان سبەینێ‌ ئەگەری بارانبارین هەیە.

بەشی پێشبینیی بەڕێوەبەرایەتیی گشتیی كەشناسی و بوومەلەرزەزانیی هەرێم بڵاویکردەوە، ئەمڕۆ ئاسمان ساماڵ دەبێت لەگەڵ درووسبوونی هەندێك پەڵە هەوری جیا جیا و پلەكانی گەرما نزیكدەبنەوە لە تۆماركراوەكانی دوێنێ.

بۆ سبەینێ‌ یەكشەممە كەشناسی پێشبینی دەكات، ئاسمان ساماڵ دەبێت و لە كاتەكانی ئێوارەدا لە هەندێك ناوچە شاخاوییەكانی هەولێر و دهۆك دەگۆرێت بۆ نیمچە هەور لەگەڵ ئەگەری بارینی بڕوشكە بارانی پچڕ پچڕ، هەروەها پلەكانی گەرمی یەك بۆ دوو پلە بەرزدەبنەوە بەراورد بە تۆماركراوەكانی ئەمڕۆ.