پۆڵەتیك پرێس
لە تێلیگرام یەکەم کەسیت هەواڵەکانت پێدەگات جۆینبە https://t.me/Politicpress
بافڵ جەلال تاڵەبانی سەرۆكی یەكێتیی نیشتمانیی كوردستان پەیامێكی هاوخەمی ئاڕاستەی كەسوكاری مفەوەز رزگار ئەحمەد دەكات و رایدەگەیەنێت مفەوەز رزگار ئەحمەد، شەهیدی چەسپاندنی یاسا و دادپەروەرییە و نموونەی باڵای دڵسۆزیی و خۆنەویستییە لەپێناو رووبەڕووبوونەوەی تاوانكاریدا.
دەقی پەیامەكە…
مفەوەز رزگار ئەحمەد، شەهیدی چەسپاندنی یاسا و دادپەروەرییە و نموونەی باڵای دڵسۆزیی و خۆنەویستییە لەپێناو رووبەڕووبوونەوەی تاوانكاریدا.
پرسە و هاوخەمیی قووڵی خۆمان ئاڕاستەی كەسوكارە سەربەرزەكەی، هاوڕێ و هاوپیشەكانی دەكەم و هیوای زوو چاكبوونەوە بۆ هاوڕێ بریندارەكانی دەخوازم.
كاك رزگار شەهید ئەحمەد خەلیفە حەسەن زەنگەنە، كارمەندێكی دڵسۆز و سەرڕاست بوو، بنەماڵەكەشی نموونەی باڵای قوربانیدان و تێكۆشانن لەپێناو كوردستان.
وێڕای سوپاس و دەستخۆشیمان بۆ هێزە ئەمنییەكانی سلێمانی كە لە ماوەیەكی كەمدا تۆمەتبارانیان دەستگیركرد، جەخت لە سەروەریی یاسا دەكەینەوە و رێگەنادەین تاوانكاران مەترسی بۆ ژیانی خەڵك دروستبكەن و ئارامیی شارە خۆشەویستەكەمان بشێوێنن.
رۆحی كاك رزگار شادبێت و خوای گەورە سەبووری و بەهەموولایەك ببەخشێت.
دڵسۆزتان
بافڵ جەلال تاڵەبانی
سەرۆكی یەكێتیی نیشتمانیی كوردستان
قەیوان گروپ
مایۆرکا سیتی جوانییەک لە دڵی سروشتدا
