پۆڵەتیك پرێس
لە تێلیگرام یەکەم کەسیت هەواڵەکانت پێدەگات جۆینبە https://t.me/Politicpress
ئەمڕۆ سێشەممە، نێچیرڤان بارزانی، سەرۆکی هەرێمی کوردستان لەگەڵ عەلی رەزا کۆنای، باڵیۆزی تورکیا لە عێراق، دوایین پێشهاتەکانی هەرێم و پرسی دەستپێکردنەوەی هەناردەکردنی نەوتی هەرێم تاوتوێ کرد.
بەپێی بەیاننامەیەکی ماڵپەڕی فەرمی سەرۆکایەتی هەرێم، “ئاستی پەیوەندییەکانی تورکیا لەگەڵ عێراق و هەرێمی کوردستان لە کۆبوونەوەکەد باسکراوە و هەردوولا جەختیشیان لە بەهێزکردنی پەیوەندییە دووقۆڵییەکان و هاوکارییەکان کردووە، بەتایبەتی لە بواری بازرگانی و وەبەرهێنان”.
سەبارەت بە هەناردەکردنی نەوتی هەرێمی کوردستان، باڵیۆزی تورکیا ئامادەیی وڵاتەکەی نوێکردەوە بۆ دەستپێکردنەوەی هەناردەکردن، لەمبارەیەوە سەرۆکی هەرێمی کوردستان سوپای هەڵوێستەکانی تورکیای کرد و ئاماژەی بەوەدا کە هەولێر و بەغدا ئێستا لە رووی تەکنیکییەوە دانوستان لەسەر ئەم بابەتە دەکەن.
دۆخی عێراق و هەرێمی کوردستان، پەیوەندییەکانی نێوان هەولێر و بەغدا، دۆخی پێکهاتەکان و دوایین پێشهاتەکانی ناوچەکە بە گشتی، بەشێکی دیکە تەوەرەکانی کۆبوونەوەکەی سەرۆکی هەرێم و کونسوڵی گشتی تورکیا بوو لە هەرێمی کوردستان.