ئیلۆن ماسک هێڵەکانی پەیوەندیکردن و ئینتەرنێت بۆ غەززە دابین دەکات

پۆڵەتیک پرێس

لە تێلیگرام یەکەم کەسیت هەواڵەکانت پێدەگات جۆینبە https://t.me/Politicpress

ئیلۆن ماسک، ملیاردێری ئەمریکی و خاوەنی کۆمپانیایەکی گەورەی بواری پەیوەندی و ئینتەرنێت، لەدوای پچڕانی هێڵەکانی پەیوەندیکردن و ئینتەرنێت لە غەززە، بڕیاریدا لەبواری پەیوەندیدا خزمەتگوزارییەکانی لە غەززە زیاد بکات.

ئیلۆن ماسک، خاوەنی کۆمپانیای تێسلا و پلاتفۆڕمی ئێکس و سپەیس ئێکس بۆ خزمەتگوزاری ئینتەرنێت، بڕیاریدا خزمەتگوزاری پەیوەندی و ئینتەرنێت بۆ ئەو گروپ و ڕێکخراوانە دابین بکات، کە لە غەززە سەرقاڵی هاوکاریکردنی لێقەوماوان و بریندارەکانن.

ئاماژەی بەوەکرد، لە غەززە سەرجەم تۆڕی پەیوەندی و هۆکارەکانی پەیوەندیکردن بۆ ئەو رێکخراوە مرۆیی و دانپێدانراوانە دابین دەکەن، کە سەرقاڵی هاوکاریکردنی بریندارەکانن.

هاوکات، لەوبارەیەوە ئەمڕۆ ڕێکخراوی تەندروستی جیهانی ڕایگەیاند، پچڕانی کارەبا و هێڵی پەیوەندییەکان لە کەرتی غەززە، چارەسەرکردنی بریندارەکانی ئەستەم کردووە.