پۆڵەتیك پرێس
لە تێلیگرام یەکەم کەسیت هەواڵەکانت پێدەگات جۆینبە https://t.me/Politicpress
فەرماندەی گشتیی هێزەكانی سووریای دیموكرات – هەسەدە رایگەیاند، لە هێرشەكەی سوپای توركیا بۆ سەر دێركی رۆژئاوای كوردستان 29 ئەندامی هێزەكانیان “شەهید بوون.”
رۆژی دووشەممە، 09-10-2023، مەزڵوم عەبدی، فەرماندەی گشتیی هێزەكانی سووریای دیموكرات – هەسەدە، لە پۆستێكدا لە تۆڕی ئێكس (تویتەری پێشوو) راگەیاند: توركیای داگیركەر ئەكادێمیای ئاسایشی ناوخۆی لە دێرك بەئامانج گرت و لە ئەنجامدا 29 ئەندامی هێزەكانی دژە هۆشبەر شەهیدبوون. ئەمە تاوانێكی قێزەونە و پێشێلكارییەكی زەقی مافەكانی مرۆڤە كە ناتواندرێت چاوپۆشیی لێبكرێت.
مەزڵووم عەبدی گوتی، ئەكادێمیای هێزەكانی ئاسایشی ناوخۆ كە توركیا بۆردوومانی كردووە، رێكخراوێكی مەدەنیی ناحكومین و هاوكاری لە هاوپەیمانیی نێودەوڵەتی وەردەگرێت.
لە شەوی رابردووەوە سوپای توركیا دەستی بە هێرشی ئاسمانی چڕ كردووە و ئەكادیمیایەكی هێزەكانی ئاسایشی بەڕێوەبەرایەتیی خۆسەری بۆردوومان كرد.
فەرماندەی گشتیی هەسەدە دەڵێت، ئێمە بێباك نین لە رووبەڕووبوونەوەی هێرشی دووژمنكارانەی توركیا بۆ سەر خاك و گەلەكەمان، لە مافی رەوای خۆمان بۆ وەڵامدانەوەی هێرشەكانی توركیا كەڵك وەردەگرین.
هێرشە مووشەكییەكە پێش كاتژمێر 11:00ی شەوی رابردوو بووە، لە ئەنجامدا سێ مووشەك بە ئەكادیمیای شەهید نەسرین كەوتوون. ئەو ئەكادیمیایەی كراوەتە ئامانج، دەكەوێتە گوندی حەمزەبەگ لە ناوچەی كۆچەراتی سەر بە دێركی رۆژئاوای كوردستان.