قوباد تاڵەبانی: بەستنی کۆنگرە پێش وادەی خۆی، بوێری یەکێتی دەردەخات

پۆڵەتیک پرێس

لە تێلیگرام یەکەم کەسیت هەواڵەکانت پێدەگات جۆینبە https://t.me/Politicpress

قوباد تاڵەبانی سەرپەرشتیاری مەکتەبی سکرتارییەتی سەرۆک مام جەلال رایگەیاند، بەستنی کۆنگرەی یەکێتی پێش وادەی خۆی، حزبێکی زیندوو و بوێرە کە دەتوانێت لە کاتێکی سەختی وەک ئێستا بڕیاری بەستنی کۆنگرە بدات.

قوباد تاڵەبانی راشیگەیاند، یەکێتی حزبێکە هەمیشە دەیەوێت خۆی نوێبکاتەوە و روئیای بگونجێنێت لەگەڵ بارودۆخی سەردەم بۆیە بڕیاری بەستنی کۆنگرە شتێکی باشە و گەشبینین دەرئەنجامەکەی باش دەبێت”.

قوباد تاڵەبانی بە کوردسات نیوزی راگەیاند، پیرۆزبایی لە كەسوكاری شەهیدان بەتایبەت و خەڵكی هەرێمی كوردستان بە گشتی دەكەم، هیوادارم سەرجەم هەڤاڵان بەرۆحیەتی حزبی لە كۆنگرە بڕوانن و رێز لە خەباتی یەكێتی بگرن.

لەبارەی بانگهێشتی میوانان بۆ پێنجەمین كۆنگرە، قوباد تاڵەبانی رایگەیاند، یەكێتی بۆ كوردستان و عیراق و ناوچەكە گرنگە، لەم روانگەیەشەوە بەپێویستمان زانیوە دەرگای كۆنگرە بە رووی میوانەكانمان بكەینەوە و لەگەڵماندا بەشدار بن لەم رۆژە مێژووییەدا.