پۆڵەتیك پرێس
لەتێلیگرام یەکەم کەسیت هەواڵەکانت پێدەگات جۆینبە https://t.me/Politicpress
باڵیۆزی ئەمەریكا لە عێراق ئیدانەی هێرشەكەی سەر فڕۆكەخانەی كشتوكاڵی عەربەت لە سنووری پارێزگای سلێمانی دەكات و رایگەیاند، جەخت لە رێزگرتن لە سەروەری و یەكپارچەیی خاكی عێراق دەكەینەوە.
ئەلینا رۆمانۆوسكی باڵیۆزی ئەمەریكا لە عێراق لە تۆڕی كۆمەڵایەتی ئێكس (تویتەری پێشوو)، نووسیوویەتی: ئیدانەی هێرشەكەی سەر فڕۆكەخانەی عەربەت لە سنووری پارێزگای سلێمانی دەكەین، جەخت لە رێزگرتن لە سەروەری و یەكپارچەیی خاكی عێراق دەكەینەوە، كە دوو فاكتەری پێویستن بۆ ئاسایش و سەقامگیری ئەو وڵاتە.
رۆمانۆوسكی هەروەها دەڵێت: سەرەخۆشی لە كەسوكاری ئەو كەسانەش دەكەین، كە خۆشەویستانیان بەهۆی ئەم هێرشەوە لەدەستدا.
ئێوارەی رۆژی دووشەممە 18_9_2023 لەرێگای درۆنەوە هێرشكرایە سەر فڕۆكەخانەی عەربەت و لە ئەنجامدا سێ كارمەندی دژە تیرۆری كوردستان شەهید بوون و سێی تر برینداربوون.
دوابەدوای هێرشەكە بەڕێوەبەرایەتی گشتی دژەتیرۆری كوردستان راگەیەندراوێكی بڵاوكردەوە و رایگەیاند، لێكۆڵینەوەی ورد لەسەر ئەم تاوانە تیرۆریستییە دەستپێكردوە كە بەچاوساغی نۆكەرانی بێگانەو سیخوڕانی ناوخۆیی ئەنجام درا بێ سزا تێناپەڕێت و هەر لایەن و جاسوسێك هاوكاربووبیت رووبەڕووی سزاو یاساو ویژدانی نەتەوەكەمانی دەكەینەوەو تۆڵەی شەهیدەكانمان لە ئەستۆی ئێمەیە و ناهێڵین خوێنی گەشیان بەهەدەربڕوات.