کارەبای سلێمانی کارگە و شوێنە پیشەسازییەکان ئاگاداردەکاتەوە

پۆڵەتیک پرێس

لە تێلیگرام یەکەم کەسیت هەواڵەکانت پێدەگات جۆینبە https://t.me/Politicpress

بەڕێوەبەرایەتی گشتی کارەبای سلێمانی، ئاگادارییەکی بۆ کارگە و شوێنە پیشەسازییەکان بڵاوکردەوە.

ئەمڕۆ شەممە29ی تەمموز، کارەبای سلێمانی بڵاویکردەوە، “ئاگادارى ئەو کارگە و شوێنە پیشەسازییانە دەکەینەوە کە دەکەونە ناوچەى پیشاسازیی 2 لە ناوچەى هوانە و دەکەونە سەر فیدەرى 111ى وێستگەى باشور، کارەباکەیان دەبێت بە پریپەید.

ئاماژەی بەوەکرد، ئەو شوێنانەى کە پێوەرى زیرەکیان بۆ بەستراوە، بەفەرمى هاوبەشیان نیە، لەماوەى دوو رۆژدا تا رۆژى دووشەممە 31/7/2023 سەردانى بەڕێوەبەرایەتی دابەشکردنی کارەبای ڕۆژهەڵات بکەن لە گەڕەکی قالاوا و هاوبەشى بکەنەوە.

ڕوونیکردەوە، ئەگەر لەو ماوەیەدا سەردانیان نەکەن رۆژى سێشەممە 1/8/2023 کاتژمێر 9ى بەیانى کارەباکانیان دەبڕێت.