پۆڵەتیك پرێس
لە تێلیگرام یەکەم کەسیت هەواڵەکانت پێدەگات جۆینبە https://t.me/Politicpress
وتەبێژی وەزارەتی دەرەوەی عێراق رایگەیاند، هەردوو لیژنەی هونەری كوەیت و عێراق بۆ دیاریكردنی سنووری ئاوی نێوانیان كۆبوونەوە.
ئەحمەد سەحاف وتەبێژی وەزارەتی دەرەوەی عێراق لەمیانەی راگەیەندراوێكدا ئاماژە بەوە دەكات، لیژنەی هونەری نێوان عێراق و كوەیت كۆبوونەوەی شەشەمیان لە كوەیت ئەنجامدا.
وتەبێژی وەزارەتی دەرەوەی عێراق وتی، شاندی كوەیت لەلایەن مەنسور عەیاد ئەلعوتەیبی جێگری وەزیری دەرەوەی ئەو وڵاتە سەرۆكایەتی دەكرا و هەروەها عوسمان سەلمان ئەلعبوودی سەرۆكایەتی شاندی عێراقی دەكرد.
راشیگەیاند، لە كۆبوونەوەكەدا هەردوولا جەختیان لە گفتوگۆی هاوبەش لە بوارەكانی هونەری و یاسایی بۆ دیاریكردنی سنووری ئاوی نێوان هەردوو وڵات كردەوە.