لیژنە هاوبەشەکانی سلێمانی دەستیان بەسەر بڕێک خۆراکدا گرت کە بۆ خواردن شیاو نەبوون

پۆڵەتیک پرێس:

لە تێلیگرام یەکەم کەسیت هەواڵەکانت پێدەگات جۆینبە https://t.me/Politicpress

لە ئەنجامی بەدواداچونەکانی لیژنە هاوبەشەکان لە شەقامی سالم (سەهۆڵەکە) دەست بەسەر بڕێک خواردندا گیراوە کە بۆ رۆژانی پێشوتر ئامادەکراوە و خاوەنی شوێنەکان بەنیازبون بەسەر هاوڵاتیاندا ساغیبکەنەوە.

لەوبارەیەوە باوان عەبدولڕەحمان، نوێنەری بەڕێوەبەرایەتی تەندروستی سلێمانی رایگەیاند، هەڵمەتی لیژنە هاوبەشەکانی قائیمقامیەتی سلێمانی لە دووەم رۆژی جەژنی قوربانی پیرۆز بەردەوامە و ئەمڕۆش لە ئەنجامی بەدواداچونەکانی لیژنەکان لە شەقامی سالم (سەهۆڵەکە) دەست بەسەر بڕێک خواردندا گیراوە کە بۆ رۆژانی پێشوتر ئامادەکراوە و خاوەنی شوێنەکان بەنیازبون بەسەر هاوڵاتیاندا ساغیبکەنەوە.

وتیشی، “بۆ رێگریکردن لە بڵاوبوونەوەی پەتای کۆلێرا بڕیار دراوە کە سەوزە قەدەغەبکرێت، بەڵام بەشێک لەخاوەن شوێنەکان کەلەرم و قەڕنابیتیان لەئامادەکردنی زەڵاتەدا بەکارهێناوە و لەلایەن لیژنەکانەوە دەستی بەسەردا گیراوە”.

ئاماژەی بەوەشکرد، “بەفەرمانی قائیمقامی سلێمانی تەواوی ئەو سەوزە و خواردەمەنیانەی دەستی بەسەرداگیراوە لەناوچەی دەرەوەی نیشتەجێبون لەناودەبرێت و خاوەنەکانیشیان روبەڕوی رێکاری یاسایی دەکرێنەوە”.