دامەزراندن بۆ هەشت هەزار پلەی وەزیفی رادەگەیەنرێت

پۆڵەتیك پرێس

پەرلەمانتارێكی عێراق رایگەیاند، لە یاسای بودجەی ساڵی ٢٠٢١ دامەزراندنی 8000 پلەی وەزیفی بۆ هەموو عێراق ڕادەگەیەنرێت.

رێبوار تەها جێگری سەرۆكی لیژنەی نەوت و وزەی ئەنجومەنی نوێنەرانی عێراق لە پەیجی تایبەتی خۆی لە تۆڕی كۆمەڵایەتی فەیسبوك بڵاویكردەوە، وەكو لیژنەی نەوت و وزە میوانداری ئیحسان عەبدولجەبار وەزیری نەوتی عێراقیان كرد، ئەوەش بەمەبەستی گفتوگۆكردن لەبارەی دید و تێڕوانینەكانیان لەسەر سیاسەتی ئێستای وەزارەتی نەوتی عێراق و چۆنیەتی مامەڵەكردن لەگەڵ كەیسی نەوت و گاز لەئایندەدا.

ئاماژە بەوەشدەكات، لە پرۆژە یاسای بودجەی عێراق بۆ ساڵی ٢٠٢١، دامەزراندنی هەشت هەزار پلەی وەزیفی بۆ هەموو عێراق ڕادەگەیەنرێت بەجۆرێك سێ هەزاریان یان بۆ دەرچوانی كۆلێژەكانی ئەندازەی نەوت و جیۆلۆجی و پترۆكیمیایی و پێنج هەزارەكەی دیكەش بۆ پسپۆڕییەكانی تر دەبێت .