هەلی کار بۆ دەرچووانی کشتوکاڵ دەڕەخسێنرێت

پۆڵەتیک پرێس

وەزارەتی کشتوکاڵ و سەرچاوەکانی ئاوی هەرێم یاسای سەرپەرشتیارانی پرۆژەکانی کشتوکاڵی پەسەندکرد.

یاساکە تایبەتە بە ڕەخساندنی هەلی کار و سەرپەرشتیکردنی پرۆژەکانی وەزارەتەکە لەلایەن دەرچووانی کشتوکاڵ و ڤێتێرنەرییەوە،  یاسای ژمارە 20ی ساڵی 2021 ی تایبەت بە یاسایی سەرپەرشتیارانی پرۆژەکانی کشتوکاڵی لەهەرێمی کوردستانە، یاساکە هەلی کار بۆ ئەو دەرچووانە دەڕەخسێنێت کە دەرچووی کۆلێژەکانی کشتوکاڵ و ڤێتێرنەریین بەو مەرجەی دانەمەزرابێتن.

بێگەرد تاڵەبانی وەزیری کشتوکاڵ و سەرچاوەکانی ئاوی هەرێم ڕایگەیاند، لەماوەیەکی نزیکدا رێنمایەکانی بەکارخستنی ئەم پڕۆژە یاسایە لە وەزارەتمان ئامادە دەبێت، لە پێناو ڕەخساندنی دەرفەتی کار بۆ دەرچووانی کۆلێژ و پەیمانگاکانی کشتوکاڵی و فێتێرنەری کە دانەمەزراون، بە بەشێوازی کردنەوەی خولی ڕاهێنان و شیاندنی توانای کارمەندان لە رووی هونەریی و پیشەیی و رێکخستنی زیاتری کەرتی کشتوکاڵ و پڕۆسەی سەرپەرشتی کردنی پڕۆژە کشتوکاڵیەکان لەسەر ئاستی هەرێمی کوردستان.