پۆڵەتیك پرێس
لە تێلیگرام یەکەم کەسیت هەواڵەکانت پێدەگات جۆینبە https://t.me/Politicpress
وەزیری بەرگری و سوپاسالاری توركیا بە سەردانێك گەیشتنە هەولێر، هاوكات لەلایەن وەزیری پێشمەرگە و بەرپرسی فەرمانگەی پەیوەندییەكانی دەرەوەی حكومەتی هەرێمی كوردستان پێشوازی كران.
ئێوارەی رۆژی سێشەممە 6ـی شوباتی 2024 فەرمانگەی پەیوەندییەكانی دەرەوە حكومەتی هەرێمی كوردستان بڵاویكردەوە، یەشار گولەر، وەزیری بەرگری توركیا و مەتین گوراك، سوپاسالاری توركیا، بە سەردانێك گەیشتنە هەولێری پایتەخت.
هاوكات لە فڕۆكەخانەی نێودەوڵەتی هەولێر لەلایەن شۆڕش ئیسماعیل، وەزیری پێشمەرگە و سەفین دزەیی، بەرپرسی پەیوەندییەكانی دەرەوەی حكومەت پێشوازیان لێكرا.
وەزیری بەرگری توركیا و سوپاسالاری توركیا، پێش ئەوەی سەردانی هەولێر بكەن سەرەتا سەردانی بەغدایان كرد و لەوێ لەگەڵ سەرۆككۆمار و سەرۆكوەزیران كۆبوونەوە.