سبەینێ ئەم وەزارەتانە مووچە وەردەگرن

پۆڵەتیک پرێس

لە تێلیگرام یەکەم کەسیت هەواڵەکانت پێدەگات جۆینبە https://t.me/Politicpress

بەپێی خشتەی وەزارەتی دارایی و ئابووری حکومەتی هەرێم، سبەینێ چەند وەزارەتێکی دیکە مووچە وەردەگرن.

بەپێی خشتەی وەزارەتی دارایی و ئابووری حکومەتی هەرێم، سبەینێ یەکشەممە17ی کانونی یەکەم، مووچەی وەزارەتەکانی پەروەردە، کاروباری شەهیدان و ئەنفالکراون، کەس و کاری شەهید و ئەنفالکراوان و زیندانیە سیاسییەکان دابەش دەکرێت.

لەکاتێکدا، ڕۆژی سێشەممە12ی کانونی یەکەم، وەزارەتی دارایی خشتەی مووچەی مانگی ئەیلولی فەرمانبەران و مووچەخۆرانی هەرێمی بڵاوکردەوە، کە چوارشەممە13ی کانونی یەکەم بە وەزارەتی تەندروستی دەستیپێکرد و ڕۆژی پێنجشەممە21ی کانونی یەکەم، بە خانەنشینی پێشمەرگە کۆتایی دێت.

هاوکات، ڕۆژی پێنجشەممە14ی کانونی یەکەم، وەزارەتی دارایی و ئابووری هەرێم بڵاویکردەوە،” لەگەڵ ئەوەی ڕۆژی دووشەممەی داهاتوو 18/12/2023لەلایەن ئەنجومەنی وەزیرانی هەرێمی کوردستانەوە کراوە بەپشووی فەرمی، بەڵام دەوامی سەرجەم ئەو بانکانە ئاسایی دەبێت کە ئەرکی دابەشکردنی مووچەیان لە ئەستۆیە”.