پۆڵەتیک پرێس
لە تێلیگرام یەکەم کەسیت هەواڵەکانت پێدەگات جۆینبە https://t.me/Politicpress
كەشناسی هەرێم رایگەیاند، ئەمڕۆ شەممە باران بارین لە تەواوی ناوچەكانی هەرێمی كوردستان دەستپێدەكات و پلەكانی گەرما چەند پلەیەك نزم دەبنەوە.
بەڕێوەبەرایەتی گشتی کەشناسی و بومەلەرزەزانی ھەرێمی کوردستان لە راگەیەندراوێکدا بڵاویکردەوە، ئەمڕۆشەممە، بەگشتی ئاسمانی هەرێم هەوری باراناوی دەبێت لەسەر تەواوی ناوچەکانی هەرێم، سەرەتا باران بارین لە رۆژئاوا و باکوری رۆژئاوای هەرێم دەست پێدەکات پاشان هەموو ناوچەکان دەگرێتەوە، رێژەی باران بارینەکە لە ناوچەکانی دهۆک و هەولێر زیاتر دەبێت بە بەراورد لەگەڵ ناوچەکانی تردا.
ئاماژەی بەوەشداوە، ئەمڕۆ پلەكانی گەرما 2 تا 4 پلە بەراورد بە تۆماركراوەكانی دوێنێ، نزم دەبنەوە.
هێما بەوەشکراوە، سبەی یەكشەممە، ئاسمان بەگشتی نیمچە هەور دەبێت و هەندێکجار دەگۆڕێت بۆ هەوری تەواو و پلەکانی گەرماش بە (1 تا 3) پلە بەرزتر دەبن بەراورد بە تۆمارکراوەكانی ئەمرۆ.