پۆڵەتیك پرێس
لە تێلیگرام یەکەم کەسیت هەواڵەکانت پێدەگات جۆینبە https://t.me/Politicpress
سەرۆكی پێشووی پەرلەمانی عێراق رایدەگەیەنێت، هیچ پەیوەندییەكیان لەگەڵ ئیسرائیل نییە و گرێبەستێكیان لەگەڵ دامەزراوەیەكی ئەمەریكی كردووە بۆ ئەوەی ئاستی سیاسی و رێكخراوەیی حزبی تەقەدوم پێش بخەن، دەشڵێت ئامادەیە بچێتە بەردەم دادگا و راست و دروستی بابەتەكان بسەلمێنێت.
رۆژی پێنجشەممە 30ی تشرینی دووەمی 2023 محەمەد حەلبوسی، سەرۆكی پێشووی پەرلەمانی عێراق لە كۆنفرانسێكی رۆژنامەوانیدا رایگەیاند، ئامادەیە لە بەردەم دادگای عێراقی ئامادەبێت و پابەندی هەر جۆرە بڕیارێكن كە دادگا دەریدەكات و یاسا جێبەجێ دەكەن.
سەرۆكی پێشووی پەرلەمانی عێراق لە بەشێكی دیكەی كۆنفرانسە رۆژنامەوانییەكەیدا باسی لەوەش كرد، ژمارەیەك لەو كەسانەی سكاڵایان لە دژ تۆمار كردووە و ئاراستەی بەڕێوەبەرایەتی كاروباری پارت و رێكخستنە سیاسییەكانی سەر بە كۆمیسیۆنی باڵای هەڵبژاردنەكان كراوە، كەسانێكن پێشتر خۆیان دۆسیەیان هەبووە و لە چەندین كەیسی گەندەڵی و بابەتی دیكەی جۆراوجۆر تێوەگلاون.
بەتۆمەتی ئەنجامدانی گرێبەست لەگەڵ رێكخراوێكی ئەمەریكی و ناردنی پارە بۆ ئەو رێكخراوە كە پشكێكی رێكخراوەكە سەر بە ئیسرائیلە، رۆژی پێنجشەممە 30ی تشرینی دووەمی 2023 بە فەرمی داوای هەڵوەشاندنەوەی پارتەكەی محەمەد حەلبووسی كرا.
قەیوان گروپ
مایۆرکا سیتی جوانییەک لە دڵی سروشتدا
