دۆلار هاڕەی کرد

پۆڵەتیک پرێس

لە تێلیگرام یەکەم کەسیت هەواڵەکانت پێدەگات جۆینبە https://t.me/Politicpress

ئەمڕۆ لەگەڵ کردنەوەی بازاڕەکانی ئاڵوگۆڕی دراو لە هەرێمی کوردستان، نرخی دۆلار بۆ کەمترین ئاستی خۆی لە ئەم هەفتەیە دابەزی و 100 دۆلار بەرامبەر بە 159 هەزارو 500 دینار مامەڵەی پێوە دەکرێت.

لە سێ رۆژی رابردوودا، دۆلار نزیکەی 5 هەزار دینار لە بەهاکەی لەدەستداوە.

لە سەرەتای ئەم هەفتەیە  بەهای دینار بەرامبەر بە دۆلار لە بەرزبوونەوەدایە و بەتایبەتی پاش کۆبوونەوەکەی رۆژی شەممەی رابردوو، کە وەفدێكی بانكی ناوەندیی عێراق لەشاری ئەبوزەبی ئیمارات لەگەڵ لێپرسراوی پرۆسەی هەناردە دەرەكییەكان بۆ پارەداركردنی هاوردەكان كۆبۆوە و لەسەر چەند خاڵێك رێككەوتن کە یەكەمیان بریتییە لە رێككەوتن لەسەر پارەداركردنی پێشوەختیهەژماری پێنج بانكی عێراقی بە دۆلار لە بانكە ئوردنییەكان و حەواڵەكانیان لە رێگەی بانكی جەی پی مۆرگانی ئەمریكییەوە.

رێككەوتنی دووەم بریتییە لە چارەسەركردنی ئەو كێشانەی پەیوەندییان بە حەواڵە رەتكراوەكانەوە هەیە.