سایتی شەفافیەت داهاتی یەک هەفتەی سلێمانی بڵاوکردەوە

پۆڵەتیک پرێس

لە تێلیگرام یەکەم کەسیت هەواڵەکانت پێدەگات جۆینبە https://t.me/Politicpress

ماڵپەڕی شەفافیەت داهاتی  یەک هەفتەی پارێزگاکانی سلێمانی و هەڵەبجە و ئیدارەکانی گەرمیان و ڕاپەڕینی ئاشکراکرد، کە زیاتر لە 15ملیار دینارە.

بەپێی ماڵپەڕی شەفافیەت، لە یەک هەفتەدا داهاتی پارێزگاکانی سلێمانی، هەڵەبجە، ئیدارەکانی گەرمیان و ڕاپەڕین 15 ملیار و 843 ملیۆن و  678 هەزار دینار بووە، لەو ژمارەیە زیاتر لە 10 ملیار و 478 ملیۆن دینار بەشێوەی نەختینە و زیاتر لە یەک ملیار و 738 ملیۆن دینار بەشێوەی چەک و زیاتر لە سێ ملیار و 626 ملیۆن دینار بەشێوەی مەقاسە بووە.

ئەم داهاتانە داهاتی نانەوتین و لەڕێگەی شەش گەنجینە “گەنجینەی دوو، گەنجینەی یەک، گەنجینەکانی گەرمیان، راپەڕین، چەمچەماڵ و هەڵەبجە” کۆکراونەتەوە.

رۆژی 15/12/2022 دوای 30 ساڵ، حكومەتی هەرێمی كوردستان لەسەر دەستی قوباد تاڵەبانی، بوو بەخاوەنی پڕۆژەی شەفافییەت لە داهات و خەرجی، سایتی شەفافییەت لە هەشت بەش پێكدێت و لەلایەن نووسینگەی جێگری سەرۆكی ئەنجومەنی وەزیرانی هەرێمی كوردستانەوە سەرپەرشتی دەكرێت.