لە کەرتی غەززە ژمارەی کوژراوان هەشت هەزار کەسی تێپەڕاند

پۆڵەتیک پرێس

لە تێلیگرام یەکەم کەسیت هەواڵەکانت پێدەگات جۆینبە https://t.me/Politicpress

وەزارەتی تەندروستی کەرتی غەززە ڕایگەیاند، ژمارەی کوژراوان بەردەوامە لە بەرزبوونەوە و تائێستا هەشت هەزار کەسی تێپەڕاندووە.

وەزارەتی تەندروستی کەرتی غەززە ئاشکرایکرد، ژمارەی کوژراوان بەهۆی هێرشەکانی ئیسرائیل بۆ سەر کەتی غەززە لە سەرەتای جەنگەوە تائێستا گەیشتووەتە سەروو هەشت هەزار کەس، کە %50یان منداڵن.

ئاماژەی بەوەشکرد، سبەی دووشەممە30ی تشرینی یەکەم، بڕیارە ئەنجومەنی ئاسایشی نێودەوڵەتی دانیشتنی خۆی لەسەر دۆخەکە ئەنجام بدات.

لەڕۆژی 7ی مانگی تشرینی یەکەمەوە، جەنگ لەنێوان فەڵەستین و ئیسرائیل دەستیپێکرد و تا ئەمڕۆ بەردەوامی هەیە و ڕۆژانە ژمارەی قوربانیان لە بەرزبوونەوەدان.