دەزگای ئاسایشی هەرێم دەستگیرکردنی باندێکی ساغکردنەوەی دراوی ساختە ڕادەگەیەنێت

پۆڵەتیک پرێس

بەڕێوەبەرایەتی ئاسایشی پارێزگای سلێمانی رایگەیاند، (سێ)تۆمەتباری بەبڕی (9,125,000) هەزار دیناری عێراقی ساختەوە دەستگیرکرد.

ئەوەشهاتوە هێزەکانی ئاسایشی سلێمانی، لەپێناو پارێزگاریکردن لە سەر و ماڵی هاوڵاتیان، بەبڕیاری دادوەری لێکۆڵینەوەی ئاسایش، دوای کۆکردنەوەی زانیاری و چاودێریکردن، لە 19_9_2023 لە ناو شاری سلێمانی باندێکی ساغکردنەوە و مامەڵەکاری دراوی ساختەیان دەستگیرکرد، پێکهاتبوون لە (3) تۆمەتبار کە هەوڵیاندابوو ئەو پارە ساختەیە لە ڕێگەی مامەڵەوە لە شاری سلێمانی و دەوروبەری ساغبکەنەوە.

هێما بەوەشکراوە لە ئێستادا بەبڕیاری دادوەر بە ماددەی (281) لە یاسای سزادان، ڕاگیراون و لێکۆڵینەوە لە دۆسیەکانیان بەردەوامە.