پۆلیسی سلێمانی لەسەر ڕووداوەکەی فڕۆکەخانەی عەربەت ڕاگەیەندراوێکی بڵاوکردەوە

پۆڵەتیک پرێس

لە تێلیگرام یەکەم کەسیت هەواڵەکانت پێدەگات جۆینبە https://t.me/Politicpress

ئەمڕۆ سێشەممە19ی ئەیلول، بەڕێوەبەرایەتی پۆلیسی پارێزگای سلێمانی، لەبارەی ڕووداوەکەی دوێنێی فڕحکەخانەی کشتوکاڵی عەربەت ڕاگەیەندراوێکی بڵاوکردەوە.

پۆلیسی سلێمانی ڕایگەیاند،” به‌ناوی‌ بەڕێوەبەرایەتی پۆلیسی پارێزگای سلێمانییه‌وه‌ بەتوندی‌ ئیدانەی کردەوە تیرۆریستییەکەی سەر فڕۆکەخانەی کشتوکاڵی عەربەت دەکەین کە بووه‌ هۆی شه‌هیدبوونی‌ سێ هەڤاڵ ‌و پێشمەرگەی قارەمانی دژەتیرۆری کوردستان‌ و برینداربوونی‌ ژماره‌یه‌كی‌ دیكه”‌.

ئاماژەی بەوەکرد، وه‌ك بەڕێوەبەرایەتی پۆلیسی پارێزگای سلێمانی هاوخەمیی ‌و پەژارە و پرسەی خۆمان بۆ شەهیدانی ئەم ڕووداوە نەخوازراوە دەردەبڕین‌ و هیوای چاکبونەوە بۆ بریندارەکان دەخوازین.

ڕوونیکردەوە، لای‌ هه‌مووان ئاشكرایه‌ كه‌ پێشمه‌رگه‌كانی‌ دژه‌تیرۆر ڕۆڵی به‌رچاویان هه‌بووه‌ له‌دابینكردنی‌ ئاسایشی‌ هه‌رێمی‌ كوردستان ‌و عێراق، بۆیه‌ به‌پێویستی‌ ده‌زانین لایه‌نه‌په‌یوندیداره‌كان له‌حكومه‌تی‌ هه‌رێم ‌و حكومه‌تی‌ فیدراڵی‌ عێراق فشار دروست بکه‌ن بۆ ڕێگرتن لەم پێشێلکارییانەو پاراستنی سەروەریی خاکی کوردستان.