بافڵ تاڵەبانی پرسەنامەیەک بەبۆنەی کۆچی دوایی نوسەر و رووناکبیر جەمال بابان بڵاودەکاتەوە

پۆڵەتیك پرێس

لە تێلیگرام یەکەم کەسیت هەواڵەکانت پێدەگات جۆینبە https://t.me/Politicpress

ئەمڕۆ هەینی، 8ی ئەیلوولی 2023، بافڵ جەلال تاڵەبانی، سەرۆکی یەکێتیی نیشتیمانیی کوردستان بەبۆنەی کۆچی دوایی مامۆستا جەمال بابان، پرسەنامەیەکی هاوخەمیی ئاراستە خێزان و بنەماڵەی بابانییەکانی شاری سلێمانی کرد و رایگەیاند، مامۆستا جەمال بابان كەسایەتییەكی ناسراو و ناوێكی درەوشاوەی فەرهەنگ و مێژووی نەتەوەكەمان بوو، لە چەندین بواری جیاوازدا خزمەتی بەرچاوی پێشكەشكرد و یاد و یادەوەرییەكانی بۆ هەمیشە بەزیندوویی دەمێنێتەوە

دەقی پەیامەکەی بافڵ تاڵەبانی، سەرۆکی یەکێتیی نیشتیمانیی کوردستان:

بەڕێزان خانەوادە و کەسوکاری نووسەر و روناکبیر مامۆستا جەمال بابان
‎بەداخێكی زۆرەوە هەواڵی کۆچی دوایی مامۆستا جەمال بابانمان پێگەیشت.
‎بۆ ئەم خەمە گەورەیە پرسە و هاوخەمیی قووڵی خۆمان ئاڕاستەی ئێوە و بنەماڵە سەربەرزەکەتان دەکەین و هاوبەشی خەمتانین.
‎مامۆستا جەمال بابان كەسایەتییەكی ناسراو و ناوێكی درەوشاوەی فەرهەنگ و مێژووی نەتەوەكەمان بوو، لە چەندین بواری جیاوازدا خزمەتی بەرچاوی پێشكەشكرد و یاد و یادەوەرییەكانی بۆ هەمیشە بەزیندوویی دەمێنێتەوە
‎لەخوای گەورە داواكارم مامۆستای كۆچكردوومان بە بەهەشتی بەرین شادبكات و سەبووری بەهەموولایەك ببەخشێت.
‎دڵسۆزتان
‎بافڵ جەلال تاڵەبانی
‎سەرۆکی یەکێتیی نیشتمانیی کوردستان

مامۆستا جەمال بابان،کەسایەتی رووناکبیر و مێژوونووس، سەرۆکی پێشووتری شارەوانیی سلێمانی، شەوی رابردوو لە تەمەنی 96 ساڵیدا کۆچی دواییکرد.