سایتی شەفافیەت داهاتی یەک هەفتەی سلێمانی بڵاوکردەوە

پۆڵەتیک پرێس

لە تێلیگرام یەکەم کەسیت هەواڵەکانت پێدەگات جۆینبە https://t.me/Politicpress

داهاتی یەك هەفتەی سلێمانی لە بەرواری 5ی ئاب تا 11ی ئاب، بڕی 13 ملیار و 543 ملیۆن و 493 هەزار و 671دینار بووە، بەجۆرێك كە زیاد لە نۆ ملیار دیناری نەختینەیە و هەروەها نزیکی لە دوو ملیار دیناری بەشێوەی چەكە و یەک ملیار و 709 ملیۆن دیناریش بەشێوەی مقاسە بووە.

سایتی شەفافیەت بۆ چاودێری و رێكخستنی داهاتە نانەوتییەكانی سلێمانی و هەڵەبجەو هەردوو ئیدارەی راپەڕین و گەرمیان داهاتی یەك هەفتەی راگەیاندووە بەشێوەیەك، داهاتەكان بڕی 13 ملیار و و 543 ملیۆن و 493 هەزار و 671 دینار بووە، لەو ژمارەیەش رێژەی لەسەدا 73ی بەشێوەی نەختینە بووە، لەسەدا 14ی بەشێوەی چەك و لەسەدا 13 بەشێوەی مقاسە بووە.

رۆژی 15/12/2022 دوای 30 ساڵ، حكومەتی هەرێمی كوردستان لەسەر دەستی قوباد تاڵەبانی، بوو بەخاوەنی پڕۆژەی شەفافییەت لە داهات و خەرجی، سایتی شەفافییەت لە هەشت بەش پێكدێت و لەلایەن نووسینگەی جێگری سەرۆكی ئەنجومەنی وەزیرانی هەرێمی كوردستانەوە سەرپەرشتی دەكرێت.