پۆڵەتیک پرێس:
لە تێلیگرام یەکەم کەسیت هەواڵەکانت پێدەگات جۆینبە https://t.me/Politicpress
ئەمڕۆ چوارشەممە، 9ـی ئابی 2023، بەلەمێکی کۆچبەران بە خۆیی و سەرنشینەکانییەوە لە دوورگەی لامپێدووسای وڵاتی ئیتاڵیا تێکشکا و لە ئەنجامدا 41 کۆچبەر گیانیان لەدەستدا.
بەپێی هەواڵێکی ئاژانسی ANSAـی ئیتاڵی، کە لە زاری 4 سەرنشینی رزگاربووی ناو بەلەمەکەوە دەڵێت، ئەو بەلەمە کۆچبەری لە شاری ‘سفاقس’ی تونسەوە گواستۆتەوە بۆ ئیتاڵیا و لە رێگەی چوونیان بۆ ئەو وڵاتە، لە نزیک دوورگەی لامپێدووسا تێکشکاون و نوقمی ئاو بووە.
بەپێی راپۆرتێكی کەناڵی بی بی سی بەریتانی، تەنها لە سەرەتای ئەمساڵەوە زیاتر لە 1800 کۆچبەر لە رێگەی پەڕینەوە لە باکوری ئەفریقا بۆ ئەوروپا گیانیان لەدەستداوە.