وەزارەتی دەرەوە: تیمی دیبلۆماسی دانیمارک پێویستە لە ماوەی دوو رۆژدا عێراق جێبھێڵن

جارێکی تر لەبەردەم باڵیوزخانەی عێراق لە دانیمارک، قورئانی پیرۆز سوتێندرا، عێراقیش دوو رۆژ مۆڵەت دەداتە دیبلۆماتکارانی دانیمارک تا بەغداد جێبھێڵن.

ئەحمەد سەحاف وتەبێژی وەزارەتی دەرەوەی عێراق لە بەیاننامەیەکدا بە توندی ئیدانەی رووداوەکەی کرد و رایگەیاند، تیمی دیبلۆماسی دانیمارک پێویستە لەماوەی دوو رۆژدا عێراق جێبھێڵن.

لای خۆیەوە، فایەق زیدان سەرۆکی ئەنجومەنی باڵای دادوەری عێراق رایگەیاند، عێراق سورە لەسەر رادەستکردنەوەی سەلوان مومیکا ئەو کۆچبەرەی کە دوو جار قورئانی پیرۆزی لە سوید سوتاند، کە بەھۆیەوە حکومەتی عێراقی سەرجەم پەیوەندیە دیبلۆماسیەکانی لەگەڵ ئەو وڵاتەدا پچڕاند.