پۆڵەتیک پرێس
لە تێلیگرام یەکەم کەسیت هەواڵەکانت پێدەگات جۆینبە https://t.me/Politicpress
ئەمڕۆ دووشەممە26ی حوزەیران، بەڕێوەبەرایەتی کەشناسی و بوومەلەرزەزانی هەرێمی کوردستان، ڕەوشی کەشوهەوای ڕۆژانی جەژنی قوربانی ڕاگەیاند.
بەڕێوەبەرایەتی کەشناسی و بوومەلەرزەزانی هەرێمی کوردستان ئاشکرایکرد، ئاسمان بەگشتی ساماڵ دەبێت، لە ناوچە شاخاوییەکان بەرزترین پلەکانی گەرما لەنێوان(35-30) پلەی سیلیزی دەبێت، لە ناوچە شاخاوییە سنوریەکان بەرزترین پلەکانی گەرما لەنێوان(30-27) پلەی سیلیزی دەبێت و لە ئیدارەی گەرمیان بەرزترین پلەکانی گەرما لەنێوان(44-42) پلەی سیلیزی دەبێت.
ئاماژەی بەوەکرد، لە ڕۆژانی جەژندا بەگشتی ئاسمان ساماڵ دەبێت و بەپێی کەشی پێشبینیکراو ڕۆژی چوارشەممە لە سەنتەری پارێزگاکان پلەکانی گەرما بەمشێوەیە دەبێت، هەولێر 40 پلە، سلێمانی 37 پلە، دهۆک 38 پلە، هەڵەبجە 41 پلە و کەرکوک 43 پلە.
ڕوونیکردەوە، ڕۆژی پێنجشەممە ئاسمان ساماڵ دەبێت و لە سەرجەم ناوچەکان پلەکانی گەرما بە یەک پلە بەرزدەبنەوە.
هاوکات، پێشبینی دەکرێت ڕۆژی هەینی بەراورد بە ڕۆژی چوارشەممە پلەکانی گەرما لە تەواوی ناوچەکان دوو بۆ سێ پلە نزمببنەوە.