پۆڵەتیک پرێس
لە تێلیگرام یەکەم کەسیت هەواڵەکانت پێدەگات جۆینبە https://t.me/Politicpress
ئەمڕۆ سێشەممە23ی ئایار، وەزارەتی دارایی و ئابووری حکومەتی هەرێمی کوردستان، بڕیارێکی دەربارەی ڕێکخستنەوە و بەناوەندیکردنی داهاتە گشتییەکانی هەرێم دەرکرد.
ئەمڕۆ سێشەممە، وەزارەتی دارایی و ئابووری هەرێم لە نوسراوێکدا ڕایگەیاند، پاڵپشت بە بڕیاری ئەنجوومەنی وەزیران ژمارەی(216) لە (14/5/2023) وە کۆبوونەوەی ڕۆژی(22/5/2023)، تایبەت بەڕێکخستنەوەی دارایی گشتی هەرێمی کوردستان بڕیاردرا، بە ڕێکخستنەوە و بەناوەندیکردنی داهاتە گشتییەکانی هەرێمی کوردستان، بەشێوەیەک کە گشت داهاتەکان لە ئەژمێری داخراوی تایبەت بە داهاتی گشتی دابنرێن.
ڕوونیکردەوە، ڕێکخستنەوە و بەناوەندیکردنی داهاتە گشتییەکانی هەرێمی کوردستان بەشێوەیەک دەبێت کە گشت داهاتەکان لە ئەژمێری داخراوی تایبەت بە داهاتی گشتی دابنێرێن و بە (اشعار) بخرێنە سەر ئەژمێری داخراوی تایبەتی وەزارەتی دارایی و ئابووری(ژمارە/1 دینار-ژمارە/2001 دۆلار) لە بانکی منارە.
لەکاتێکدا، دوێنی دووشەممە، مەسرور بارزانی سەرۆک وەزیرانی هەرێم و قوباد تاڵەبانی جێگری سەرۆک وەزیران بۆ جێبەجێکردنی هەنگاوەکانی ڕێکخستنی دارایی کۆبوونەوە و تێیدا بە کۆی دەنگ بڕیاری ڕێکخستنەوەی دارایی گشتی لە سەرتاسەری هەرێم پەسەندکرا، هەروەها سەرۆک وجێگری سەرۆک وەزیران سەرپشککران بۆ دەستنیشانکردنی میکانیزمیی بەپەلە بۆ جێبەجێکردنی بڕیارەکە.