پۆڵەتیك پرێس
پارتی سەوزی كوردستان لەسەر بڕینەوەی درەختەكانی هەرێمی كوردستان هاتەدەنگ و لەسەر ئەو پرسەش سكاڵای یاسای دژی توركیا تۆماردەكەن.
سوپای تورکیا بەسەدان تەن داری ناوچە کوردییەکانی سوتاند و بڕیەوە و بۆ وڵاتەكەی خۆی گواستیەوە، ئەو كارەش کاردانەوەیەکی زۆری سیاسەتمەداران و چالاکوانان و ژینگەدۆستانی لێکەوتووەتەوە و داوا لەکۆمەڵگەی نێودەوڵەتی كرا رێگری لەتورکیا بکات لەزیانگەیاندن بە سروشتی کوردستان.
ئەمڕۆ چوارشەممە 2ی حوزەیران، پارتی سەوزی كوردستان و نوێنەری رێكخراوەمەدەنییەكان لەكۆنگرەیەكی رۆژنامەوانیدا هەڵوێستی خۆیان لەبارەی بڕینەوەی درەختەكانی سنوری بادینان راگەیاند و ئیدانەی ئەو كارەیان كرد.
ئەو پارت و رێكخراوانە جەختیانكردەوە، لەدادگای بالای نەتەوەیەكگرتووەكان و هەرسێ سەرۆكایەتیەكەی هەرێم و عێراق سكاڵای یاسای دژی توركیا تۆماردەكەن و داوای دانانی سنورێك بۆ ئەو پێشێلكاریانە دابنێت، لەبەیاننامەیەكیشدا هەڵوێستی خۆیان راگەیاند و رەخنەی توندیان لە دەستەی ژینگەی هەرێم گرت لەبەرامبەر بێدەنگیان دژی ئەو پێشێلكاریانەی توركیا.
قەیوان گروپ
مایۆرکا سیتی جوانییەک لە دڵی سروشتدا