پۆڵەتیک پرێس
لە تێلیگرام یەکەم کەسیت هەواڵەکانت پێدەگات جۆینبە https://t.me/Politicpress
رۆژی دووشەممە، وەزارەتی ناوخۆی عێراق رایگەیاند، بەهۆی بەرزكردنەوەی نرخی كاڵاوشمەك و خواردەمەنی لە بازاڕەكاندا، لە یەكەم رۆژی مانگی رەمەزانی پیرۆزدا لە بەغداد و بەشێک لە شارەكانی دیكەی عێراق (100) بازرگان و دوكاندارمان دەستگیركردوە.
وەزارەتی ناوخۆی عێراق، رایگەیاند، بەهۆی زۆربونی خواست لەسەر بەكارهێنانی كاڵاوشمەك و خواردەمەنی لە مانگی رەمەزانی پیرۆزدا، بەشێك لە بازرگانەكان بەبێ هۆكار نرخ بەرزدەكەنەوە.
ئاماژەی بەوەشكردوە، لەلایەن هاوڵاتیانەوە ئاگاداركراوینەتەوە كە ئەو بازرگان و دوكاندارانە نرخیان بەرزكردوەتەوە، بۆیە لەلایەن چاودێریكەرانی بازاڕەوە بەهاوكاری هێزەكانی وەزارەتی ناوخۆ دەستگیران و روبەڕوی دەزگا دادوەرییەكان دەكرێنەوە.