بەهۆی ئاگرەکەی شارباژێرەوە نزیکەی هەزار دۆنم زەوی سوتاوە

پۆڵەتیک پرێس:

لە تێلیگرام یەکەم کەسیت هەواڵەکانت پێدەگات جۆینبە https://t.me/Politicpress

بەهۆی ئەو ئاگرەی لە نیوەڕۆی ڕۆژی یەکشەممەوە لە شارباژێڕ کەوتووەتەوە، تا ئێستا نزیکەی 1000 دۆنم زەوی سوتاوە.

لەوبارەیەوە عەمید هێمن کەمەرخان ئەفەندی، بەڕێوەبەری ڕاگەیاندنی پۆلیسی دارستان و ژینگەی سلێمانی ڕۆژی دووشەممە ڕایگەیاند، سەرباری ئەوەی چەندین تیم و خەڵکی ناوچەکە لە هەوڵدان بۆ کوژاندنەوەی ئاگرەکە، بەڵام هێشتا کۆنترۆڵ نەکراوە.

وتیشی، ئاگرەکە لەپشت قەزای چوارتا کەوتووەتەوە، بەڵام دواتر تەشەنەی کردووە بۆ دەوروبەری گوندەکانی بانان، کەناروێ، سێونگ، کانی شوان، پیرێسک و نۆرەباب.

جەختی لەوەش کردەوە، تاوەكو ئێستا ئاگرەكە ‏بەردەوامە ‌و نزیكەی 1000 دۆنم زەوی سووتاوە ‌و زیانێكی زۆری مادیی هەبووە.

ئەوەشی خستەڕوو، “تاوەكو ئێستا هۆكارەكەی نەزانراوە، ‏بەڵام بە تۆمەتی كەوتنەوەی ئاگرەكە چەند كەسێك دەستگیر كراون و ‏لێكۆڵینەوە لەگەڵیان بەردەوامە.”