سەرۆکایەتی شارەوانی سلێمانی داوا دەکات لێپرسینەوە لەگەڵ ئەم کەسانە بکرێت

پۆڵەتیک پرێس

لە تێلیگرام یەکەم کەسیت هەواڵەکانت پێدەگات جۆینبە https://t.me/Politicpress

سەرۆکایەتی شارەوانی سلێمانی ڕایگەیاند، لەگەڵ لایەنی پەیوەندیدار لەسەر خەتن و داوای لێپرسینەوە دەکەن لەهەر کەسێک، کە هەوڵی شێواندنی سیمای شار دەدەن.

ئەمڕۆ یەکشەممە 23ی نیسان، سەرۆکایەتی شارەوانی سلێمانی بڵاویکردەوە، بەداخەوە دیمەنی دوای تەنها یەک شەوی شەقامی سالم و شەقامە گشتییەکانی شاری سلێمانی ئەوەدەخەنەڕوو، بەهۆی پاشماوەی کاسبکاران و هاوڵاتیانەوە تێکچووە.

* هۆشیاری تاک، هاوکاری تاک بە تاکی کاسبکاران و هاوڵاتیان بۆ کارمەندو ژینگەپارێزە ماندووەکانی شارەوانیی سلێمانی بەم جۆرەیە؟
** پاراستنی ژینگەو پاک و خاوێنی شارەکەمان کە ئەرکی هەمووانە، کێ بەرپرسە لەو دیمەنانە؟
*** دەبێت لەم دیمەنانەوە، هەڵوێستەیەک بکەین و هەمووان لە پێناو پاک و خاوێنی شارەکەماندا بێینە سەرخەت.

ئاماژەی بەوەکرد، “لەگەڵ لایەنە پەیوەندیدارەکان لەسەرخەتین، لێپرسینەوە لەگەڵ هەرکەسێک بکرێت کەمتەرخەم بێت و لە هەوڵی شێواندنی سیمای جوانی شارەکەماندا بێت”.

هاوکات، سەرۆکایەتی شارەوانی سلێمانی، داوا لە کاسبکارە بەڕێزەکان دەکات لەئاستی بەرپرسیارێتیدابن و پاک و خاوێنی شوێنی کەسابەتیان بپارێزن.