كەركوك..لەهێرشێكی داعشدا دوو پۆلیسی عێراقی كوژران

پۆڵەتیك پرێس

لەتێلیگرام یەکەم کەسیت هەواڵەکانت پێدەگات جۆینبە https://t.me/Politicpress

بەهۆی هێرشێكی خۆكوژی داعش لە باشووری شاری کەرکوک، دوو پۆلیسی فیدڕاڵی گیانیان لەدەستداوە و دووانی دیکەش برینداربوون.

سەرچاوەیەك لەپۆلیسی پارێزگای كەركوك بە پۆڵەتیك پرێس-ی راگەیاند: “بەرەبەیانی ئەمڕۆ یەكشەممە 27ی حوزەیرانی 2021، چەکدارانی داعش لە رێگەی بۆمبی چێندراوەوە هێرشیان کردووتەوە سەر خاڵێکی پشكنین و لەئەنجامدا دوو پۆلیسی فیدڕاڵی  و كوژران و دووانی دیکەش برینداربوون”.

هاوكات دوای هێرشەكەش مستەفا کازمی سەرۆکوەزیرانی عێراق و فەرماندەی هێزە چەکدارەکانی عێراق لیوای 20ی عێراق و کۆمەڵێک لە ئەفسەرانی هەواڵگری راسپاردووە لێکۆڵینەوە لەو رووداوانە بکەن.

ئەمەلەكاتێكدایە، تائێستا مەترسیەكانی داعش بەردەوامیان هەیە و لەرابردوشدا بۆ ریگریكردن لەو هێرشانە وەزارەتی پێشمەرگەو وەزارەتی بەرگری عێراق رایانگەیاند، لێكتێگەیشتن لە نێوان هەردولا دروستبووەو لەو ناوچانەی داعش جموجوڵی هەیە چەند بنكەیەكی هاوبەش دروستدەكەن.