پۆڵەتیک پرێس
لەتێلیگرام یەکەم کەسیت هەواڵەکانت پێدەگات جۆینبە https://t.me/Politicpress
قوباد تاڵەبانی، جێگری سەرۆک وەزیرانی هەرێم رایگەیاند، ئەنجومەنی وەزیرانی فیدڕاڵy بڕیاری دروستیدا و بەشە بودجەی هەرێم رەوانەدەکات.
لەمیانی بەڕێوەچوونی پێشانگای تەکنەلۆژی هایتێکس لەهەولێر قوباد تاڵەبانی رایگەیاند، سەردەمی کاخەز بەسەرچووە و پێویستە کاروبارەکانی حکومەت خێراتر بکەین.
لەدرێژەی قسەکانیدا ئەوەشی خستەڕوو، “بایۆمەتری وایکرد بزانین کێ موچەخۆری راستەقینەیە و بەهۆی بایۆمەترییەوە کێشەی بندیوار و سەردیوار نامێنێت”، وتیشی: ئەنجومەنی وەزیرانی فیدڕاڵی بڕیاری دروستیدا و بەشە بودجەی هەرێم رەوانە دەکات.
ئاماژەی بەوەشکرد، سیستمی موچە و میلاکاتی هەرێم دواکەوتووە و یاسا کۆنەکان بەربەستی گەورەی بەردەم حکومەتن، وتیشی: دەمانەوێت حکومڕانی لەکوردستان باشتر بکەین.
قوباد تاڵەبانی باسی لەوەشکرد، بەئەلیکترۆنیکردنی دامودەزگاکان کاری لەپێشینەمانە و رەنگە لەداهاتووشدا پڕۆگرامی زەمالەی خوێندن دەستپێبکەینەوە.