پۆڵەتیک پرێس
لەتێلیگرام یەکەم کەسیت هەواڵەکانت پێدەگات جۆینبە https://t.me/Politicpress
کۆنگرەی نەتەوەیی کوردستان (کەنەکە) پەیامێکی ئاراستەی کوردانی کەرکوک و ناوچە کێشە لەرسەرەکان کرد و تێیدا داوا دەکات، بەشداری لە هەڵبژاردنی ئەمجومەنی پارێزگاکان، ئەرکێکی “ئاکاری و هۆشیارییەکی گرنگە”.
کەنەکە دەڵێت: کوردستانیانی هه‌موو ئه‌و شارو شارۆچكانه‌ی به درێژای دەیان ساڵ رووبەڕووی هه‌ڕه‌شه‌ی راگواستن و ، ئاوارەکردن و كوشتوبڕ بوونه‌ته‌وه. رژێمە یەک لەدوای یەکەکانی عێراقیش بەردەوام لە هەوڵی گۆڕینی دیمۆگرافیا ناوچەکانتاندا بووە. ئه‌مڕۆ ئێوە له به‌رده‌م تاقیكردنه‌وه‌یه‌كی دیكه‌دان ، تاقیكردنه‌وه‌ی گێڕانه‌وه‌ی شوناس و پاراستنی ئه‌و ناسنامه كوردستانیه فره‌ڕەنگ و هه‌مه چه‌شنه‌ی ئه‌و ناوچانه ، كه جگه له كورد گەل و پێكهاته‌ی دیكه‌ش کە لەدێر زەمانەوە لەوێ نیشتەجێن و پێكه‌وه هاوبه‌شانه ده‌ژین.
کەنەکە راشیگەیاند، چوون بۆ هه‌ڵبژاردن و به‌شداریكردن له‌و پرۆسه گرنگه‌دا، به تایبه‌ت بۆ كورد ئه‌ركێكی ئاكاری و هۆشیارییەکی گرنگە، بۆ ئه‌وه‌ی ئه‌و دیرۆكی سته‌مكاریه هه‌ڵبوه‌شێته‌وه كه هێشتا له سه‌ر بنه‌مای ناسیونالیستانه‌ی ئه‌ویتر كارده‌كات كه نه‌ته‌وه‌كان ده‌بێت سه‌رده‌ست و ژێر ده‌ست بن.
لەکۆتاییدا کەنەکە دەڵێت: هیوادارین هەڵبژاردن لە کەشێکی ئازاد و ئارام، دیموکرات و شەفافدا بەڕێوە بچێت و لە ئاکامیشدا قۆناغێکی نوێی پێکەوەژیانی ئەرێنی بۆ هەموو خەڵکی کەرکوک و ناوچە دابڕاوەکان لەگەڵ خۆی بێنێت.
پەیامەکەی کەنەکە لەکاتێکدایە کە بڕیارە 18ی ئەم مانگە هەڵبژاردنی ئەنجومەنی پارێزگاکانی عێراق بەرێوەبچێت، لە شاری کەرکوکیش دوای 18 ساڵ هەڵبژاردن بۆ ئەنجومەنی پارێزگا ئەنجام دەدرێت.
قەیوان گروپ
مایۆرکا سیتی جوانییەک لە دڵی سروشتدا
