پۆڵەتیک پرێس:
لە تێلیگرام یەکەم کەسیت هەواڵەکانت پێدەگات جۆینبە https://t.me/Politicpress
ڤلادمیر پوتن، سەرۆکی روسیا جەختی لەوەکردەوە، ئاسایش و بەرژەوەندییەکانی وڵاتەکەی دانوستانیان لەسەر ناکرێت، بەڵام ئامادەین بۆ چارەسەری دیبلۆماسی لە قەیرانی ئۆکرانیا و ڕۆژئاوا.
ڤلادمیر پوتن بە میدیای روسی ڕاگەیاند، “هێشتا وڵاتەکەمان کراوەیە بەڕووی گفتوگۆی ڕاستەوخۆ و ڕاشکاو بۆ دۆزینەوەی چارەسەری دیبلۆماسی بۆ کێشە ئاڵۆزەکان”.
جەختی لەوەش کردەوە، بەڵام بەرژەوەندی هاوڵاتیان و ئاسایشی وڵاتەکە بابەتێک نین دانوستانیان لەسەر بکرێت.
جێی ئاماژەیە ڤلادمیر پوتن داوای ئەوە دەکات، ئۆکرانیا نەچێتەپاڵ هاوپەیمانانی ناتۆ، جگه لەوەش داوا دەکات هاوپەیمانان ئامادەییان لەسەر سنوورەکانی روسیا بەهێزنەکەن و لەو ناوچانە چڕنەبنەوە.