پۆڵەتیک پرێس
لە تێلیگرام یەکەم کەسیت هەواڵەکانت پێدەگات جۆینبە https://t.me/Politicpress
فاروقی مەلا مستەفا سەرۆكی ئەنجومەنی بەڕێوەبردنی كۆمپانیای ئاسیاسێڵ، بڕی 300 ملیۆن دیناری بۆ هاوكاریكردنی زیانلێكەوتووانی لافاوەكەی شاری دهۆك تەرخانكرد.
رۆژی 19ی ئاداری ڕابردوو شەپۆلێكی بارانبارینی بەهێز سنووری پارێزگای دهۆك و ئیدارەی سەربەخۆی زاخۆی گرتەوە كە بەهۆیەوە سێ كەس گیانیانلەدەستدا و نزیكەی 300 ماڵ و 50 ئۆتۆمبێل زیانیان بەركەوت.
فاروق مەلا مستەفا، کە یەکێکە لە سەرمایەدارە دیارەکانی هەرێمی كوردستان بڕی 300 ملیۆن دیناری بۆ كۆمەكی زیانلێكەوتووان تەرخانكرد، لەچەند رۆژی رابردووشدا بڕی یەك ملیار و 400 ملیۆن دینار لە كەمپینێكدا بۆ زیانلێكەوتووانی ئەو لافاوە كۆكرایەوە.
ناوەندی هاوبەشی هەماهەنگیی قەیرانەكان لە وەزارەتی ناوخۆ، هەڵسەنگاندنی سەرەتایی بۆ زیانەكانی بارانبارین و لافاوەكەی 18 تا 21ی ئادار لە هەرێمی كوردستان بڵاوكردەوە كە جگە لە مردنی سێ كەس لە دهۆك، زیانە ماددییەكانیشی بە زیاتر لە 64 ملیار دینار خەمڵاند.