پۆڵەتیك پرێس
لە هەولێر چەند گەڕەكێكی كۆنی چۆڵكران تاوەكو وەك گەڕەكێكی كۆنی شوێنەواری رێكبخرێنەوە.
نەبەز عەبدولحەمید، قائیمقامی قەزای ناوەندی هەولێر بە پۆڵەتیك پرێسی راگەیاند، هەر یەك لە گەڕەكەكانی (خانەقا – تەعجیل – عارەبان)، كە چەند گەڕەكێكی شوێنەواری كۆنی شارەكەن لەچوارچێوەی بەرنامەی حكومەت چۆڵكراون و وەك گەڕەكی دێرینی شوێنەواری رێكدەخرێنەوە.
ئاماژەی بەوەشكرد، ئەو خێزانانەش كە لەو گەڕەكانەدا بوون قەرەبوو كراونەتەوە و ئەو گەڕەكانە بوونەتە شوێنێك بۆ فڕێدانی زبڵ و خاشاك.
باسی لەوەشكرد، بەشێك لەخانووەكانیش بەهۆی نزیكییان لە بازاڕ، رووخێنراون و كراونەتە گەراجی وەستانی ئۆتۆمبێل.
گەڕەكەكانی خانەقا، تەعجیل و عارەبان، بەشێكن لە مێژووی كۆنی هەولێر، بەڵام بەهۆی پەراوێزخستنیانەوە خەریكە لەناودەچن و سیما كۆن و كەلەپوورییەكەیان لەدەست دەدەن.