پۆڵەتیک پرێس
سەرۆکی دادگای تێهەڵچوونەوەی هەولێر رایگەیاند، ئەنجومەنی دادگای باڵای هەرێمی کوردستان ژمارەیەک داواکراوی رادەستی دادگاکانی عێراق کردووە.
برایم ئیسماعیل خۆشناو ئاماژەی بەوەکرد، هەماهەنگییەکی زۆر لەنێوان حکومەتی هەرێم و حکومەتی عێراقدا هەیە بۆ رادەستکردنەوە و ئاڵوگۆڕکردنی داواکراوان و لەماوەی رابردوو ئەنجومەنی دادگای باڵای هەرێم سەدان داواکراوی رادەستی دادگا فیدڕاڵییەکان کردووەتەوە.
ئەوەشی خستەڕوو، ئەو لیژنەیەی لەنێوان دادگای باڵای فیدڕاڵی و دادگای باڵای هەرێم پێکهێنراوە، بەردەوامە لەئاسانکاری جێبەجێکردنی فەرمانەکانی دەستگیرکردن بۆ داواکراوانی هەردوولا و ئاڵوگۆڕی زانیاری و ئاسانکاری پڕۆسەی گواستنەوەی داواکراوان.