پۆڵەتیك پرێس
راوێژكاری كشتوكاڵی ژووری بازرگانی سلێمانی ئاشكرای دەكات، بەهۆی هاوردەكردنی ئاژەڵ و مەڕو ماڵات بەشێوەی قاچاخ لە وڵاتی ئێرانەوە، مەترسی لەناوچوونی سامانی ئاژەڵی هەرێم دەكرێت.
وەسفی خەلیل راوێژكاری كشتوكاڵی ژووری بازرگانی و پیشەسازی سلێمانی بۆ پۆڵەتیك پرێس وتی، “ماوەی ساڵێكە بەهۆی دابەزینی بەهای دراوی ئێرانی و توركی، نرخی ئاژەڵی ئەو دوو وڵاتە دابەزیوە بەراورد بە نرخی ئاژەڵی ناوخۆیی هەرێم”.
ئاماژەی بەوەشكرد، ئەو هۆكارەش وایكردووە لەو دوو وڵاتەوە رێژەیەكی زۆر ئاژەڵ و مەڕ و ماڵات بە رێگای قاچاخ بهێنرێتە هەرێمی كوردستان بە تایبەتی بۆ شاری سلێمانی.
لەئێستادا بەرهەمی سامانی ئاژەڵ 55% پێویستی بەرهەمی ناوخۆیی دابیندەكات، ئەم رێژەیە ئەگەر كەمتر ببێتەوە ئەوا ئاژەڵداری ناوخۆیی زەرەرمەندبێت، بەردەوامیش داوا دەكەن حكومەت رێگری لە هاوردەكردنی بەرهەمی دەرەكی بكات.