سوودە تەندروستیەکانی هەنجیری ڕەش

پۆڵەتیک پرێس

هەنجیری ڕەش یەکێکە لەو میوانەی خواستێکی زۆری لەسەرە بە فرێشی و وشککراویش زۆر دەخورێت، سوودێکی زۆری بۆ تەندروستی جەستە هەیە.

هەنجیری ڕەش دژەئۆکسانە بەهێزەکانی تێدایە، یارمەتی ڕێکخستنی ڕێژەی کۆلیستڕۆڵ دەدات و ئەگەری توشبوون بە نەخۆشیەکانی دڵ و بۆریەخوێنەکان کەمدەکاتەوە، ڕێژەیەکی زۆر پۆتاسیۆمی تێدایە کۆنتڕۆڵی پەستانی خوێن دەکات، دەوڵەمەندبوونی بە ڕیشاڵەکان یارمەتی تەندروستی کرداری هەرس دەدات و ڕێگری لە قەبزی دەکات.

سەرچاوەیەکی سەرەکی ڤیتامین و کانزا گرنگەکانە بۆ جەستە، سوودێکی زۆری بۆ تەندروستی قژ و پێست هەیە، دەوڵەمەندە بە کالیسیۆم ڕێگری لە فشەڵبوون ئێسکەکان دەکات و یارمەتی بەهێزبوونیان دەدات، ڕێژەی شەکری خوێن ڕێکدەخات.