سوودەکانی سیستمی خۆراکی ڕووەکی

پۆڵەتیک پرێس

سیستمی خۆراکی ڕووەکی لەهەموو جیهاندا بڵاوە، سوود و زیانی تەندروستیشی هەیە بەپێی جیاوازی سیستمەکە لە کەسێکەوە بۆ یەکێکی دیکە دەگۆڕێت، ئەگەر بەشێوەیەکی تەندروستی دابنرێت سوودی تەندروستی هەیە.

پەیڕەوکردنی سیستمی خۆراکی ڕووەکی واتا خواردنی بەرهەمە ڕووەکیەکان و دوورکەوتنەوە لە هەموو بەرهەمە ئاژەڵیەکان، بەشێوەیەکی گشتی سیستمی خۆراکی ڕووەکی دەوڵەمەندە بە ڕیشاڵ، ڤیتامین و کانزاکان و کالۆری و کۆلیستڕۆڵی کەمە، ئەم سوودانە بە جەستە دەبەخشێت:

-ئەو کەسانەی کێشەی بەرزی پەستانی خوێنیان هەیە ڕێنمایی دەکرێن ئەو سیستمە پەیڕەوبکەن، چونکە کۆنتڕۆڵی پەستانی خوێن دەکات.

-مەترسی توشبوون بە نەخۆشییەکانی دڵ، شەکرە، جەڵتەی دڵ و مێشک کەمدەکاتەوە.

-سوودێکی زۆری بۆ کۆنتڕۆڵکردن و دابەزاندنی کێش هەیە.

-بەرگری جەستە دژی نەخۆشییەکان بەهێزدەکات.