گەریلا كوژرانی شەش سەربازی دیكەی توركیای راگەیاند

پۆڵەتیك پرێس

لە تێلیگرام یەکەم کەسیت هەواڵەکانت پێدەگات جۆینبە https://t.me/Politicpress

هەپەگە ڕایگەیاند، لە پێنج ئۆپەراسیۆنی جیاوازی گەریلادا، لانیكەم شەش سەربازی سوپای توركیا كوژراون و سەنگەرێكیش تێكشكێنراوە.

ناوەندی ڕاگەیاندن و چاپەمەنیی هەپەگە ڕاگەیەندراوێكی لەبارەی چالاكییەكانی گەریلاكان لە ناوچەكانی زاپ و خواكورك بڵاوكردەوە، كە دوێنێ 27 ی ئاب دژی سوپای توركیا ئەنجامیانداوە.

هەپەگە ڕایگەیاند: لە پێنج چالاكی جیاوازی تیمە گەڕۆكەكانماندا، لانیكەم شەش سەربازی سوپای توركیا كوژران، سەنگەرێكی چەكی قورس و سیستمێكی كامێراش تێكشكێنرا.

ئەوەشی خستووەتەڕوو، كە سوپای توركیا پێنج جار بە بۆمبی ئەتۆمی تاكتیكی و چەكی كیمیایی، شەش جار بە كۆپتەری هێرشبەر، 10 جار بە فڕۆكەی جەنگیی و دەیان جار بە تۆپ و هاوەن و چەكی قورس، بۆردوومان و تۆپبارانی هەرێمەكانی بەرخۆدانی كردووە.