پۆڵەتیک پرێس:
لە تێلیگرام یەکەم کەسیت هەواڵەکانت پێدەگات جۆینبە https://t.me/Politicpress
سبەی شەممە تاقیکردنەوەکانی خولی دووەمی پۆلی 12ی ئامادەیی بە هەموو بەشەکانییەوە کاتژمێر 7:30 دەستپێدەکات و وەزارەتی پەروەردەش دەڵێت، “بردنەژوورەوەی هەموو جۆرە ئامێرێکی ئەلیکترۆنی بۆناو ناوەندەکانی تاقیکردنەوە قەدەغەیە و ڕێگەپێنەدراوە”.
ئەمڕۆ هەینی لە ڕاگەیەندراوێکی وەزارەتی پەروەردە کە واژۆی ئالان حەمەسەعید وەزیری پەروەردەی لەسەرە هاتووە، “پرسیاری بابەتەکانی تاقیکردنەوە لە قوتابیان وەردەگیرێتەوە لەلایەن مامۆستای چاودێر و دەبێت بەڕێوەبەری هۆڵ و یاریدەدەر لەوە دڵنیاببنەوە کە پرسیارەکان و پەڕەی سۆما وەردەگرنەوە، پرسیاری هەموو قوتابییەکان ناوی خۆیانی لەسەرە، هەر پەڕەیەکی سۆمای قوتابی و خوێندکار ئەگەر پەڕەی پرسیاری تاقیکردنەوەکانی لەگەڵدا نەگەڕێتەوە، نمرەی بۆ هەژمار ناکرێت”.
ئەوەش هاتووە، “مامۆستایانی پۆلی 12 مافیان نییە پرسیارەکانی پۆلی 12 پاش تاقیکردنەوەکان بڵاوبکەنەوە و وەڵامی بۆ دیاری بکەن، هەر مامۆستایەک ئارەزوو دەکات بەشێک بێت لە دیاریکردنی وەڵامی نمونەیی، بەڕێوەبەرایەتی پەروەردە گشتییەکەی دەتوانێت ناوی کاندید بکات و لە لیژنەی باڵای ئەزموونە گشتییەکان ڕۆژانی تاقیکردنەوە پاش کاتژمێر 12 وەڵامەکان دیاری دەکرێن، پاشان تەنها لیژنەی باڵا ڕێگەپێدراوە کۆپییەک لە پرسیارەکان و وەڵامی نمونەیی بڵاوبکاتەوە”.
پێشتریش سەرۆكی یەكێتیی مامۆستایانی كوردستان ڕایگەیاند، لە سبەینێوە بەهۆی تاقیکردنەوەکانی پۆلی 12ی ئامادەیی، هەموو ڕۆژێک سێ کاتژمێر هێڵەکانی ئینتەرنێت ڕادەگیرێت.
قەیوان گروپ
مایۆرکا سیتی جوانییەک لە دڵی سروشتدا
