ماڵپەڕە سێکسیەکان لە هەرێمی کوردستان قەدەغە دەکرێن

پۆڵەتیک پرێش

لە تێلیگرام یەکەم کەسیت هەواڵەکانت پێدەگات جۆینبە https://t.me/Politicpress

وەزارەتی گواستنەوە و گەیاندنی هەرێمی کوردستان لە نوسراوێکدا بڕیاری دا لەبارەی ئەوەی پێویستە سەرجەم کۆمپانیاکانی بواری ئینتەرنێت و مۆبایل “پاکێجی خێزانی” دروست بکەن.

وەزارەتی گواستنەوە و گەیاندن لە نووسراوێكدا كە رۆژی17_8_2022 دەرچووە، داوا لە كۆمپانیاكانی ئینتەرنێت دەكات پێویستە لە ماوەی مانگێكدا بڕیارەكە جێبەجێبكەن و دەبێت پاكێجەكە لە رووی نرخەوە گونجاوتر بێت یاخود هەمان نرخی ئێستا بێت. هەروەها پێویستە خێرایی ئینتەرنێت لەو پاكێجە خێراتر بێت لەوەی كە ئێستا هەیە.

بە گوێرەی نووسراوەكەی وەزارەتی گواستنەوە و گەیاندن ئەو ماڵپەڕ، ئەپلیكەیشن و پێگانەی بلۆك دەكرێن بریتین لەمانە:

1. سووكایەتی بە ئایین، پێغەمبەران، كتێبە ئاسمانییە پیرۆزەكان و گشت ئایین و ئایینزاكانی كوردستان.

2. تێكدانی ئاسایشی پێكەوەژیان و كۆمەڵگە. بڵاوكردنەوەی رق و دووبەرەكی و تووندوتیژی (ئایینی، نەتەوەیی، هتد …)

3. پۆرنۆگرافی (ماڵپەڕە سێكسییەكان)

4. فرۆشتن و كڕینی چەك و تەقەمەنی

5. قومار بە هەموو جۆرەكانییەوە (ئەلیكترۆنی و هەر بابەتێكی دیكەی قومار)

6. دراوی ئەلیكترۆنی (هەموو جۆرەكانی)

7. هاندان و رێكلام بۆ جگەرە و خواردنەوە كحولییەكان

8. سەرجەم بابەتی ماددە هۆشبەرەكان

9. هاندانی تووندوتیژیی خێزانی، تووندوتیژی لەگەڵ ئافرەت و منداڵ بە هەموو جۆرەكانیەوە

10. تووندوتیژی دژی ئاژەڵ