ئۆپۆ کاتژمێرێکی نوێ دروستدەکات

ئۆپۆ کاتژمێرێکی نوێ بەتایبەتمەندی پێشکەوتوو دروستدەکات و چاوەڕوان دەکرێت بەهۆی تایبەتمەندیەکەیەوە ڕکابەری کاتژمێرە زیرەکەکانی دیکە بکات.

ئۆپۆ ۆچ 3 کێشەکەی 31.9 گرامە، شاشەکەی لەجۆری ئەمۆلیدە بەقەبارەی 1.75 ئینج و دیقەی430/372 پێکسڵ، چارەسەرکەری کوالکۆم سناپ دراگۆن دەبلیو فایف پڵەس جین وەن و چارەسەرکەری وێنەی ئەدرینۆ720 ئەی تێدابەکارهاتووە.

ڕامەکەی یەک گێگابایتە، میمۆریەکەی 32 گێگابایتە، لەڕێگەی کاتژمێرەکەوە دەتوانرێت چالاکی وەرزشی و ڕۆژانە، تێکڕای لێدانی دڵ و ڕێژەی ئۆکسجینی خوێن بزانرێت، خێرایی پاترییەکەی 400 میلی ئەمپێرە، بەهەردوو ڕەنگی ڕەش و ئاڵتونی بەردەست دەبێت.