ئەم ڤیتامینانە نابێت بە گەدەی بەتاڵ بخورێن

پۆڵەتیک پرێس

خواردنی ڤیتامینەکان بە گەدەی بەتاڵ زیانی بۆ کرداری هەرس هەیە و لە هەندێک حاڵەتدا لەوانەیە ببێتە هۆی ئازاری زۆری گەدە، دڵتێکەڵهاتن و سکچوون، هەندێک لە ڤیتامینەکان نابێت لە بەیانیاندا بە گەدەی بەتاڵ بخورێن.

پزیشکەکان ڕێنمایی دەدەن بەشێوەیەکی گشتی ڤیتامینەکان بە گەدەی بەتاڵ نەخورێن و لەگەڵ نان یان دوای نانخوارد بخورێن، بەتایبەتی ڤیتامینەکانی ئەی، دی، ئی و کەی نابێت بەهیچ شێوەیەک بە گەدەی بەتاڵ بخورێن.

لەگەڵ ئەوەشدا ئەگەر خواردنی ڤیتامینەکان دوای نانخواردن بووە هۆی دڵتێکەڵهاتن، ئزاری گەدە یان هەر دۆخیکی دیکە ئەوا پێویستە بەڕێنمایی پزیشک جۆرەکەی بگۆڕێت، چونکە لەو حاڵەتەدا سوودی تەندروستی بە جەستە ناگەیەنێت بەڵکو دەبێتە هۆی زیان.