داوا لە حكومەتی عێراق دەكرێت پەلە بكات لە گێڕانەوەی هاوڵاتیەكانی لە كەمپی هۆل

پۆڵەتیك پرێس

لە تێلیگرام یەکەم کەسیت هەواڵەکانت پێدەگات جۆینبە https://t.me/Politicpress

رۆژی یەكشەممە، بەڕێوبەری خۆسەری رۆژئاوای كوردستان داوای لە حكومەتی عێراق كرد پەلە بكات بۆ گەڕاندنەوەی هاووڵاتییانی لە كەمپی هۆل.

شێخموس ئەحمەد، سەرۆكی فەرمانگەی كاروباری ئاوارە و كەمپەكان لە بەڕێوەبەری خۆسەر، رایگەیاند: پرۆسەی گەڕانەوەی ئاوارەكانی عێراق لە كەمپی هۆل لە ئێستادا زۆر خاوە و لەگەڵ ئەو ژمارە زۆرەی عێراقییەكانی ناو كەمپەكەدا ناگونجێت.

وتیشی: ژمارەی هاوڵاتیانی عێراقی لە كەمپی هۆل نزیكەی 29 هەزار كەسە، كە نیوەی دانیشتووانی كەمپەكە پێكدەهێنێت.

ئاماژەی بەوەشدا، لیژنەی كۆچ و ئاوارەكانی حكومەتی عێراق نووسینگەیەكی لە كە‌مپی هۆل كردووەتەوە بۆ تۆماركردنی ناوی ئەو هاوڵاتییە عێراقیانەی ئارەزووی گەڕانەوە دەكەن بۆ وڵاتەكەیان.

روونیكردەوە، لیژنەكە ناوی ئەو كەسانە تۆمار دەكات كە ئارەزووی گەڕانەوە دەكەن و لەم ماوەیەشدا كارەكانی لەسەر كەسانی نەخۆش و بەساڵاچووان چڕ كردوەتەوە.