شاخەوان عەبدوڵڵا: ڕێگەنادەین كەس لەسەر ڕیفراندۆم سزا بدرێت

پۆڵەتیك پرێس

لە تێلیگرام یەکەم کەسیت هەواڵەکانت پێدەگات جۆینبە https://t.me/Politicpress

نووسینگەی راگەیاندنی جێگری دووەمی سەرۆكی پەرلەمانی عێراق رایگەیاند: دۆسیەی ئەو كارمەند و ئەفسەرانەی لە كەركوك لەسەر بەشداری لە ریفراندۆم لە دادگا داخران، جێگری دووەمی سەرۆكی پەرلەمان جەخت دەكاتەوە ڕێگە نادەن كەس لەسەر ڕیفراندۆم سزا بدرێت.

نووسینگەی راگەیاندنی شاخەوان عەبدوڵڵا، جێگری دووەمی سەرۆكی پەرلەمانی عێراق بڵاویكردەوە، بۆ ئەوەی كێشەی ئەو ئەفسەرو كارمەندانەی بەشداری ریفراندۆمیان كردبو بەیەكجاری كۆتایی پێبێت لیژنەیەكمان رەوانەی كەركوك كرد و بەیەكجاری دۆسیەكانیان داخراو بێتاوان لەقەلەم دران ، وەهەر ئەفسەرێك ماوەو كیشەی هەیە تا سێ‌ كاتژمێری تر دەتوانن سەردانی ئەو لیژنەیە بكەن.

ئەوەشهاتوە، رێگە نادەین هیچ ئەفسەرێك سزا بدرێت لەسەر كێشەی سیاسی یان نەتەوەیی ، بەپێچەوانەوە ئەوەی تێوەگلابێت لەبابەتی گەندەڵی و تاوانی تر هیچ پشت گیرییەكی ناكەین و رێگە دەدەین دادگا رێكاری یاساییان بەرامبەر بگریتە بەر .

پەخشی راستەوخۆی رادیۆ پۆلەتیک